सोनाली कुलकर्णीच्या उपस्थितीत ‘युगंधर’चा पुरस्कार वितरण सोहळा संपन्न…
करमाळा, प्रतिनिधी – तालुक्यातील केम येथे युगंधर ग्रामीण सेवाभावी संस्थेच्या ‘सोलापूर उद्योगरत्न’ पुरस्कारांचा वितरण सोहळा रविवार दि. २ फेब्रुवारी रोजी सायंकाळी इंद्रायणी लॉन्स येथे दिमाखात पार पडला. ग्रामीण भागात पहिल्यांदाच आयोजित करण्यात आलेल्या उद्योजकांच्या सन्मानाच्या या कार्यक्रमात सिने अभिनेत्री सोनाली कुलकर्णी यांची उपस्थिती लक्षणीय ठरली.
युगंधरचे संस्थापक अध्यक्ष विजयसिंह ओहोळ यांनी या कार्यक्रमाचे आयोजन केले होते. पुरस्कारासाठी सोलापूर जिल्ह्यातील एकूण 35 उद्योजकांची निवड करण्यात आली होती. यामध्ये योगेश गजानन वासकर, बाळासाहेब देवकर, तानाजी चांदगुडे, डॉ राजेंद्र चव्हाण, सुरज तळेकर, राजेंद्र ढेकणे, वसंत वजाळे, सुरज गुरव, सोमनाथ खराडे, दिपक टेकाळे यांच्यासह 25 उद्योजकांना पुरस्काराने सन्मानित करण्यात आले.
हा कार्यक्रम पार पाडण्यासाठी संस्थेचे उपाध्यक्ष विशाल ओहोळ, अच्युतकाका पाटील, महावीर तळेकर, सागर दोंड, महेश तळेकर, गोरख पारखे, महेंद्र ओहोळ, सत्यशील ओहोळ, सागरा तळेकर, बापु तळेकर इत्यादींनी परिश्रम घेतले.
.
.
.
.
.
.
.