मकर संक्रांती निमित्त हळदी कुंकवात लुटला विचारांचा वाण



करमाळा, प्रतिनिधी – मकर संक्रातीच्या निमित्त सर्व महिला हळदी कुंकवाला एकत्र जमतात. एकमेकींना गृहपयोगी वस्तू, खाद्यपदार्थ, स्टीलची भांडी वाण म्हणून देतात. परंतु तालुक्यातील देवळाली येथील वैद वस्ती जि. प. प्रा. शाळेच्या मुख्याध्यापिका आदर्श व उपक्रमशील शिक्षिका सौ. प्रफुल्लता बाबासाहेब सातपुते-थोरात यांनी वाचन चळवळ विकसित व वृद्धिंगत होण्यासाठी आणि प्रत्येकाला वाचनाची आवड निर्माण होण्यासाठी विचारांचा वाण लुटला आहे.

संक्रांति निमित्त आयोजित हळदी-कुंकवाच्या कार्यक्रमात सौ. सातपुते यांनी प्रत्येक महिलेला एक पुस्तक भेट म्हणून दिले. या पुस्तकांमध्ये विचार प्रवाह, दर्पण, मंथन, शिंपल्यातील मोती, परमार्थिक विवेचन, संस्कारधन, फुलोरा आदी पुस्तकांचा समावेश आहे. वाचनाने माणूस घडतो. स्वतःबद्दल आत्मविश्वास निर्माण होतो, वाचनाने तणाव कमी होतो, वाचन सर्जनशील बनविते, स्मरणशक्तीचे रक्षण करते, आनंदी बनविते, आकलन क्षमता व विचारशक्ती विकसित करते. वाचनाचे अनेक फायदे असल्याचा विचार त्यांनी यावेळी उपस्थित महिलांसमोर व्यक्त केला

वाचन संस्कृती वृद्धिंगत होण्यासाठी सौ. सातपुते यांचा हा उपक्रम गेली दहा वर्षांपासून चालू आहे. आत्तापर्यंत त्यांनी १००० पुस्तके वाण म्हणून भेट दिली आहेत. त्यांच्या या उपक्रमाचे महिला वर्गातून भरभरून कौतुक होत आहे.

.

.

.

.

.

.


Leave a Reply

Your email address will not be published. Required fields are marked *

Translate »

You cannot copy content of this page