विलासराव घुमरे यांच्या वाढदिवसानिमित्त यशवंत युवा महोत्सवाचे आयोजन…
करमाळा, प्रतिनिधी – विद्या विकास मंडळाचे सचिव आणि यशवंत परिवाराचे आधारस्तंभ विलासराव घुमरे यांच्या ७० व्या वाढदिवसानिमित्त शहरातील विद्या विकास मंडळ संचलित यशवंतराव चव्हाण महाविद्यालयात यशवंत युवा महोत्सवाचे आयोजन करण्यात आले आहे. या महोत्सवात दि. ३० जानेवारी ते दि. ६ फेब्रुवारी दरम्यान महाविद्यालयात वेगवेगळ्या स्पर्धा होणार आहेत.
विलासराव घुमरे यांच्या वाढदिवसानिमित्त दि. ३० जानेवारी रोजी महाविद्यालयात विद्यार्थ्यासाठी रांगोळी स्पर्धा, दि.३१ जानेवारी रोजी ‘मिस मॅच डे’, दि.१ फेब्रुवारी रोजी संगीत खुर्ची व लिंबू चमचा, दि.३ फेब्रुवारी रोजी रॅम्प वॉक, मिस वाय.सी.एम. व शेला पागोटे, दि.४ फेब्रुवारी रोजी महाविद्यालयातील विद्यार्थ्यांच्या कलागुणांना वाव देण्यासाठी सकाळी १० वाजता सांस्कृतिक कार्यक्रम दि.५ फेब्रुवारी रोजी सकाळी १० वाजता रक्तदान शिबिर तर दि.६ फेब्रुवारी रोजी सकाळी १० वाजता यशवंत परिवाराच्या वतीने परिवाराचे आधारस्तंभ, मार्गदर्शक विलासराव घुमरे यांचा सन्मान सोहळा संपन्न होणार असून त्यानंतर महाराष्ट्रातील ख्यातनाम व सुप्रसिद्ध वक्ते गणेश शिंदे यांचे ‘भविष्यावर बोलू काही’ या विषयावर व्याख्यानाचे आयोजन केलेले आहे.
विलासराव घुमरे यांच्या वाढदिवसानिमित्त आयोजित यशवंत युवा महोत्सवात होणाऱ्या भरगच्च अशा कार्यक्रमांत महाविद्यालयातील विद्यार्थी आणि विद्यार्थिनींनी सहभागी होण्याचे आवाहन यशवंत परिवाराच्या वतीने करण्यात आले आहे.
.
.
.
.
.
.
.
.
