मागण्या मान्य झाल्याने वंचित बहुजन आघाडीचे करमाळा एसटी आगाराच्या विरोधातील दे धक्का आंदोलन स्थगित -यशपाल कांबळे…

करमाळा, प्रतिनिधी – तालुक्यातील रावगाव येथे बसचा स्टेअरिंग रॉड तुटून झालेल्या अपघातातील अपघातग्रस्तांसाठी तसेच करमाळा आजारातील गलथान कारभाराविरोधात वंचित बहुजन आघाडीचे यशपाल कांबळे यांच्या नेतृत्वाखाली उद्या शुक्रवार दि.३१ रोजी करमाळा आगार प्रमुखांच्या पुतळ्याला दे धक्का आंदोलन करण्यात येणार होते. मात्र तत्पूर्वीच करमाळा आगाराकडून या मागण्या मान्य करण्यात आल्याने सदरचे आंदोलन स्थगित करण्यात आल्याची माहिती वंचित बहुजन आघाडीचे यशपाल कांबळे यांनी दिली आहे.

याबाबत मागण्या पुढील प्रकारे मान्य झालेल्या आहेत.
1) रावगाव येथे स्टेरिंग रॉड तुटून बस क्रमांक एम एच १३ सी यु 7883 दिनांक 31.12.2024 रोजी अपघात झालेला होता. त्याबाबत वरिष्ठ अधिकाऱ्यांनी तपासणी करून सदर अपघातास जबाबदार चार कर्मचाऱ्यांवर खाते अंतर्गत प्रमादीय कारवाई करण्यात आली आहे.
2) बस क्रमांक एम एच 13 सीयू 7883 चे फिटनेस मुदतीत(16.10.2025) पर्यंत वैद्य आहे व विमा देखील मुदतीत(31.3.2025) वाढवून घेतलेला आहे.
3) सदर अपघातातील जखमी प्रवाशांना रा.प. नियमानुसार तत्कालीन आर्थिक मदत त्याचवेळी रोखीने देण्यात आलेले आहे व पुढील अहवाल वरिष्ठांना सादर केला आहे.
4) बसेस वेळेत सुटत नसलेल्या तक्रारीचे दखल घेऊन सर्व बस फेऱ्या नियोजित वेळेत मार्गस्थ करण्याच्या सूचना सर्व संबंधितांना दिलेल्या असून तशी खबरदारी घेण्यात येत आहे तसेच प्रवाशांच्या सुरक्षेच्या कारणास्तव बस स्थानकावरती पोलीस मदत केंद्र देखील उभारण्यात आले आहे.
5) संगम चौकात होणारी वाहतुकीची कोंडी टाळण्यासाठी आज रोजी पासून वाहतूक वळविण्याबाबत संबंधितांना तात्काळ आदेश दिलेले आहेत.
6) याबाबत शासन स्तरावर ती नवीन बसेस घेण्याबाबतची प्रक्रिया चालू आहे.

तरी उपरोक्त सर्व बाबींचा सकारात्मक विचार करून आपण आपले दिनांक 31 1.25 रोजीचे दे धक्का आंदोलन स्थगित करावे, असेही आगारप्रमुखांकडून नमूद करण्यात आले आहे. सर्व मागण्या मान्य झाल्या कारणाने दिनांक 31.1.2025 रोजी होणारे दे धक्का आंदोलन तूर्तास स्थगित करण्यात आलेले आहे, असे यशपाल कांबळे यांनी जाहीर केले व प्रशासनाचे आभार ही मानले आहेत.

.

.

.

.

.

.