अपक्ष उमेदवार प्रा. रामदास झोळ यांनी वाशिंबे गावी सहकुटुंब बजावला मतदानाचा हक्क…
करमाळा, प्रतिनिधी – करमाळा माढा विधानसभेचे अपक्ष उमेदवार प्रा. रामदास झोळ यांनी आपल्या वाशिंबे या गावात जिल्हा परिषद प्राथमिक शाळेमध्ये मतदानाचा हक्क बजावला. यावेळी त्यांच्याबरोबर त्यांच्या अर्धांगिनी सौ. माया झोळ आणि सुपुत्र पृथ्वीराज झोळ यांनीही मतदानाचा अधिकार बजावला.
प्रा.झोळ यांच्या माध्यमातून तालुक्यातील रस्ते, पाणी, वीज याचबरोबर शिक्षण, आरोग्य, रोजगार आदी विकासाच्या मुद्द्यांवर प्रथमच गटातटाच्या राजकारणाला घराणेशाहीला छेद दिला जात आहे. प्रस्थापित राजकारण्यांना आव्हान देऊन सर्वसामान्य शेतकरी सुपुत्र म्हणून शेतकरी सर्वसामान्य जनता कष्टकरी युवकांच्या विकासासाठी ही निवडणूक लढवली असल्याने मतदारसंघातील जनता विकासाच्या मुद्द्यावर आपणाला मतदान करून विजयी करणार असल्याचा विश्वास प्रा. झोळ यांनी व्यक्त केला आहे.
करमाळा शहर व तालुक्यातील शेतकरी महिला युवक नागरिकांनी घराबाहेर पडून १००% मतदान करून आपला हक्क बजावून लोकशाहीच्या या उत्सवात सहभागी व्हावे असे आवाहन त्यांनी यावेळी केले.
.
.
.
.
.
.
.
